म्याग्दी जिल्लाको सदरमुकाम बेनीबजार भौगोलिक बनावटले अत्यन्त साघुँरो रहेको, वर्तमान् अर्थुङ्गे गाविस नगरपालिका बन्ने अबस्थामा रहेको, जग्गा अभावका कारण बहुउद्देश्यीय सभाहल, तरकारी, मासु तथा हाटबजार स्थापना गर्न अप्ठेरो परिरहेको अवस्थामा जिल्लास्थित खाद्यसंस्थानको जग्गा संस्थानद्वारा पटक-पटक विक्रि गर्न बोलपत्र आव्हान गर्दा जिल्लाका ७ राजनैतिक दल, अर्थुङ्गे गाविस, जिल्ला प्रशासन कार्यालय, म्याग्दी स्थित सम्पूर्ण संघ संस्थाहरुको विरोध र पहलमा बिक्रि वितरण रोकिएकोमा पूनहः खाद्य संस्थान, जिल्लाका राजनैतिक दलका जिम्मेवार व्यक्तिहरु एवं जिल्लाका केही लोभीपापीहरुको कालो चित्तका कारण उक्त जग्गा पुनः गोप्य रुपमा साँठ गाँठ गरी बिक्रि वितरण गर्न लागेको कुरा यस संघलाई जानकारी प्राप्त भएको हुँदा यस संघको गम्भिर ध्यानाकर्षा भएको छ ।

गोप्य साँठगाँठ गरी यदि उक्त जग्गा बिक्रि वितरण गर्ने र खरीद गर्ने कार्य गरेमा वा गरिएको पाइएमा यस संघ जस्तोसुकै मूल्य चुकाउन पनि पछि नहट्ने व्यहोरा यहि विज्ञप्ती मार्फ जानकारी गराउन चाहन्छौं ।

उक्त कार्यको पूनः घोर विरोध गर्न जिल्लास्थित राजनैतिक दल, नागरिक समाज, गाविसहरु, संघ संस्था, विद्यार्थी संघ संगठनहरु, उद्योगी व्यापारी एवं सम्पूर्ण जिल्लावासीहरुलाई हार्दिक आब्हान गर्दछौं ।

मितिः- २०६५ साल जेष्ठ २० गते सोमबार

खबरदार १
उक्त जग्गा खरिद बिक्रि गर्न मनाही छ ।

प्रमोद श्रेष्ठ
अध्यक्ष
म्याग्दी उद्योग वाणिज्य संघ

लामो समय देखि द्वन्द्वका कारण देश अस्त व्यस्त बन्न पुगेको हुँदा उद्योग, व्यापार एवं सबै क्षेत्र तहस नहस भएको कुरा सबैलाई विदितै छ । देशमा स्थायी शान्ति स्थापना गर्ने उद्देश्यले अन्य राजनैतिक दल र ने. क. पा. (माओवादी) बिच १२ बुँदे सम्झौंता पश्चात् देशले नयाँ मोड लिन शुरु गर्यो । जनआन्दोलन २०६२/०६३ को घोषणा पश्चात् उक्त जन आन्दोलनलाई सबै क्षेत्रले सहयोग गर्नुका साथै देश भरका उद्योगी व्यापारीहरुले पनि सहयोग गर्ने निर्णय गरे । सोही निर्णयानुसार म्याग्दी उद्योग वाणिज्य संघले पनि उक्त १९ दिने जनआन्दोलनमा सक्रिय सहभागिता जनायो । उक्त जनआन्दोलनमा म्याग्दी एवं पर्वत जिल्लावासी उद्योगी, व्यापारीहरुले खेलेको महत्वपूर्ण भूमिकाको सहृाना गर्दै यस संघ कृतज्ञताका साथ हार्दिक धन्यवाद ज्ञापन गर्दछ ।
 मिति २०६५ साल ज्येष्ठ १५ गते सम्पन्न हुन गैरहेको ऐतिहासिक सम्बिधान सभाको पहिलो बैठकले 'निरंकुश राजतन्त्रको अन्त्य एवं गणतन्त्र नेपालको'  घोषणा गर्दैछ । इतिहासमै प्रथम पटक सम्पन्न हुन गैरहेको उक्त घोषणाको म्याग्दी उद्योग वाणिज्य संघ पूर्ण सफलताको कामना गर्न चाहन्छ ।
 गणतन्त्रको घोषणा सँगै देशमा दिगो शान्ति छाओस्, स्वतन्त्र एवं शान्तिपूर्वक उद्योग, व्यापार सञ्चालन गर्ने वातावरणको श्रृजना होस् र देशले औद्योगिक क्रान्ति गर्न सफल रहोस् भन्ने शुभेच्छाका साथ 'निरंकुश राजतन्त्रको अन्त्य एवं गणतान्त्रीक नेपालको'  स्थापनाको पक्षमा म्याग्दी उद्योग वाणिज्य संघको पूर्ण स्वागत एवं र्समर्थन रहेको व्यहोरा यस प्रेस विज्ञप्ती मार्फत सम्पूर्ण जिल्लावासी उद्योगी व्यापारीहरुको तर्फबाट हार्दिक आव्हान गर्न चाहन्छौं ।

मितिः- २०६५ साल ज्येष्ठ १४ गते मंगलबार ।

आदरणिय उद्योगी व्यापारी मित्रहरु !

हालै संचार माध्यमले प्रचार प्रसार गरेको नेपाल राष्ट्रिय उद्योग व्यापार संगठन म्याग्दी नामको संस्था गठन भएको विषयमा यस संघको गम्भीर ध्यानाकर्षण भएको छ । म्याग्दी जिल्लाका उद्योगी व्यापारीहरुको हकहितको लागि सशक्त एवं साझा संगठनको रुपमा म्याग्दी उद्योग वाणिज्य संघ क्रियाशिल रहेको व्यहोरा र्सवत्र जगजाहेरै छ ।

म्याग्दीमा के साना के ठूला सम्पुर्ण व्यापारी तथा उद्योगिहरुको समस्या समाधान गर्दै समुन्नत भविष्यको मार्ग समेत प्रशस्त गर्न म्याग्दी उद्योग वाणिज्य संघ सफल रहेको व्यहोरा समेत र्सवविदितै छ । म्याग्दी उद्योग वाणिज्य संघ विशुद्ध आर्थिक तथा सामाजिक संगठन हो र यसमा विशुद्ध वर्गिय हकहित भन्दा अन्य कुनै आग्रह पुर्वाग्रहको गुन्जाइस रहने गरेको छैन । यस पृष्ठभूमिमा संघले आङ्खना छातामुनि सम्पुर्ण उद्योगि व्यापारीहरुलाई वर्गिय भाईचाराको सहअस्तित्व दिएर संगठित गर्दै मर्यादित तुल्याउन समेत सफल भएको छ ।

उद्यमी व्यापारीहरुलाई एकताबद्ध गर्न सफल म्याग्दी उद्योग वाणिज्य संघ अस्तित्वमा हुँदा हुँदै उस्तै उद्देश्य बोकेको अर्को समानान्तर देखिने संस्था गठन भएको पाउँदा यस संघलाई आश्चर्य लागेको छ । यस वस्तु तथा परिप्रेक्ष्यमा नेपाल राष्ट्रिय उद्योग व्यापार संगठन नामको कथित संगठन खोल्नु खोलिनुको तात्पर्य हाम्रो बर्गीय एकतालाई फाटो पार्ने कलुषित दुर्भावना बोकेको हुन सक्छ भन्ने ठहर गरिएको छ । तर्सथ सो कथित समानान्तर संस्थामा आवद्ध नहुन हाम्रा आदरणिय साधारण सदस्य ज्यूहरुलाई हार्दिक अनुरोध गर्दै मातृ संघलाई उपेक्षा गर्दै समानान्तर संस्थामा आवद्ध हुन पुगेका सदस्यहरुलाई संघको विधानको धारा ५ दफा 'ख' को उपदफा 'इ' अनुसार निलम्बन गरिएको छ । निज सदस्य ज्यूहरुले मनासिव कारण सहित उक्त संस्थाको सदस्यता त्याग गरेमा निलम्बन फुकुवा गरिनेछ अन्यथा विधान अनुसार कारवाही अघि बढाइने व्यहोरा स्पष्ट गर्न चाहन्छौं

यस संघमा आवद्ध नभएका नयाँ सदस्यता लिन चाहने उद्योगी व्यापारीहरुले कथित संगठनको भ्रममा नपरि उद्योगी व्यापारीहरुको एउटै मात्र बैधानिक संस्था म्याग्दी उद्योग वाणिज्य संघमा आवद्ध हुन समेत हार्दिक आग्रह गर्दछौं ।



२०६४आषाढ २४ गते आइतबार