म्याग्दीको अर्को प्रसिद्ध स्थल पुलत्स्य आश्रम बेनी बजार देखि नजिकैको पुलाचौर गा.वि.स.मा पर्दछ । पुराण तथा महाभारतहरुमा समेत मुनिवर पुलत्स्यका छोरा विश्वका छोराहरु यसै आश्रममा जन्मी हुर्के बढेको कुरा उल्लेख छ । भनिन्छ लंकाका प्रतापी राजा रावणको जन्म स्थल यही हो । जगन्नाथ मन्दिर समेत यसै स्थानमा रहेको छ । यसै क्षेत्रमा ढोलठान दरबार, टोड्के क्षेत्र आदीलाई पर्यटकिय क्षेत्रका रुपमा प्रयोग गर्न सकिन्छ । ऐतिहासिक तथा धार्मिक दृष्टिकोणले मात्र नभैकन प्राकृतिक दृष्याबलोकन गर्न पनि यो ठांउ राम्रो गन्तब्य हो । यहांवाट हिमश्रृखंलाहरु तथा अन्य सुन्दर दृष्यहरु दृष्यावलोकन गर्न सकिन्छ ।